mr@hero
فــنان شـــغال
عدد المساهمات : 27
نقاط : 53497
تاريخ التسجيل : 06/09/2009
 |  موضوع: Gac هل أنت مستعد لأن تصبح محترفاً ؟! ( أقوى مكان لتعليم العزف على الجيتار فى مصر )  29/4/2010, 6:21 pm | |
| بســـــــم الله
الرحمـــــــن الرحيـــــــم
~* Guitar Academy In Cairo *~
هو مكان يجتمع
فيه أقوى و أحسن عازفى آلة الجيتار ,
أول مكان فى
مصر يهتم بتعليم العزف على
آلة الجيتار
فقط و إخراج عازفين محترفين و متمكنين من الآلة
تعالو بقا نتكلم شوية بجد , أنا ايه اللى مخلينى مقتنع
بالمكان ده بالذات و بفضلو عن أى حتة تانية ؟
إيه اللى مخلينى أعمل موضوع كامل بيتكلم فقط عن
المكان ده بالذات ؟!
على فكرة أنا مش بقتنع بأى حاجة بسهولة و الله ده انا
رخم جدا , لكن المكان
ده هو فعلا اللى أى حد فينا محتاجه , إحنا بينا المبتدئ و المتوسط و
المحترف , بينا اللى بيعزف بس و اللى بيغنى و اللى بيلحن . كل واحد من
دول عاوز معاملة غير التانى و طريقة تعليم مختلفة
انت لما بتروح لمدرس مثلا علشان يعلمك , بتتعلم اللى المدرس ده عاوز
يعلمهولك مش اللى انت عاوز تتعلمه !
اللى عجبنى فى المكان ده إيه ؟ ..... الاهتمام اللى بيدهولك ! ....
مش مجرد أسامى ناس محترفة مكتوبة عشان الناس تيجى و لما يجوالناس أقلبهم
أولا أنت أول ما
بتدخل بيفتح لك File,
بيكتب فيه انت تعرف أيه عن الآلة و يقدر مستواك و يعرف أنت عاوز تتعلم
إيه بالظبط ( Electric, Flamenco , Classic
..... etc ) , وللا انت بتغنى و عاوز تتعلم
كوردات عشان تبقا مصاحبة ليك و انت بتغنى , ال Fileده بيتفتح كل مرة أنت بتيجى فيها عشان تاخد حصتك , عشان
اللى بيعلمك يبقا عارف أنت نظامك ايه و المفروض يعلمك ايه
ثانيا الجو اللى هناك
, من خبرتى أقدر أقولك أنو فعلا جو يعلَى فيه أى بنى آدم فى الآلة .... ليه ؟ ... خد عندك-المكان يحتوى على أى شىء و كل شىء متعلق
بالجيتار , أنت ممكن تروح هناك منغير ما تاخد جيتارك , كل شىء موجود و تحت
أمرك. لو جيتارك باظ وللا حصلو حاجة و انت متعسف مش عارف تعمل ايه ,
هتلاقى اللى يظبتهولك
-انت
هناك المفروض هتاخد حصة عملى ( و دى بتبقا
أنت لوحدك ) ... و حصة نظرى ( مع الناس اللى فى مستواك ) دول
حصتين اساسيتين , و فى حصة استماع فيها بيجيبو مثلا ستايل معين
( Country , Blues , Jazz .... etc ) و يتكلمو عنو و يعرفوك عليه أكتر و يعلموك أزاى تقدر تلعبو
فى المستقبل , كمان فى حصة عزف جماعى و دى حصة بيجتمع فيها كل اللى بيعزفى
و يعملو حاجة مع بعض علشان يطبقو اللى اتعلموه
-انا
رأيى المتواضع , ان عمر مستواك ما هيعلى الا
لما يكون فى حواليك ناس أعلى منك بتتعلم منها و بتشوفها و هى بتعزف , يعنى طول ما انت محاط بناس بتعرف
تعزف و مستواها عالى أضمن بنسبة 70% ان مستواك أنت كمان هيعلى معاهم لو انت عاوز , و ده متوفر
جدا جدا هناك , أنت حواليك ناس بتدرس معاك محترفة أصلا , مجرد ما هتتعرف
عليها هتبتدى تاخد من خبرتهم أزاى تعلى و توصل لمستواهم , يساعدوك فى حاجة
, تتعلم منهم حاجة كدة
-كل
شوية بيتعمل هناك مسابقات على جوايز و شهادات تقدير و دى حاجة مش هتلاقيها فى اى حتة
تانية بتتعلم فيها, الجميل مش فى الجوايز
 الجميل انك بتنافس ناس تانية فى مستواك و ده بيديك دفعة
جامدة انك تتمرن , كمان هناك بيتعمل كل شوية ورش
عمل لمصطفى أصلان و وائل خضر و محمد ناصف و دى حاجة طبعا جامدة جدا مش محتاجة كلام .
~* نظام الCourse *~
قبل كل شىء أحب أوضح أن جيتار أكاديمى دى أصلا مدرسة كندية و ده أول فرع
ليها فى مصر الأكادمية بتقدم 4 انظمة للدارسين , أول
نظام للدارس اللى مش عارف بيبقا فاضى امتا
, يعنى مشاغلو كتير و عاوز أول ما يفضى فى أى وقت ييجى ياخد الحصة بتاعتو
, ده بيتفتحلو ملف فى الأكادمية و بييجى فى أى وقت عشان ياخد حصته ,
الحصة بتبقا ب 50 جنيه
النظام التانى للناس
اللى عاوزة توصل لمستوى معين و تبطل, زى مثلا اللى عاوز يتعلم يعزف كوردات
بس, حد عاوز يتعلم حاجة معينة و خلاص , الكورس بيبقا لمدة شهر حصة واحدة
فى الأسبوع و بيكلفو 120 جنيه
النظام التالت بيبقا
للناس المبتدئة اللى عاوزة كورس مكثف , ده كورس كويس للى عاوز يتعلم فعلا
بيبقا مرتين فى الاسبوع بياخد عملى و نظرى , بس انا مش فاكر كل مرة كان
بيتاخد فيها كام حصة الصراحة , الكورس ده بيتكلف 240
جنيه لمدة شهر
النظام الرابع بقا و
هو ده النظام الأساسى للأكادمية , يومين فى الأسبوع , بتاخد عملى و بتدرس
هارمونى و قراية نوتة و تطبيقها و 3 مواد اخرى, فيها حصة الأستماع , و العزف
الجماعى طبعا , بتمتحن فى نهاية الكورس ده , و لما بتخلص 3 شهور منو بتيجى
ناس من كندا تمتحنك و لو نجحت تاخد شهادة معتمدة . الكورس ده مليان
مميزات بس انا مش فاكرها كلها أنا فاكر أن أنا اتبهرت بيه فعلا , هو
هيتكلف 360 جنيه كل شهر .
~* العنوان *~
شارع مصطفى النحاس امام مدرسة مصر 2000 , مدينة
نصر
و فيه فرع تانى فى المهندسين فى شارع شهاب بس انا مش
عارف عنوانو بالظبط
للأستفسار أتصل على
0108308368 - 0109622341
- 24723269
_____________________
نهاية الكلام , لو لسة مش مقتنع بالكلام اللى فوق ده
تقدر تعمل زى مانا عملت , تروح هناك بس تتفرج على الشغل عامل ازاى و تسمع
الناس و هى بتعزف و تسأل و تاخد فكرة و تعرف معلومات أكتر بدون ما تدفع أى
حاجة , ده بالعكس هيرحبو بيك جدا
انا حبيت أنقلكم الصورة اللى وصلتنى من خلال زيارتى للمكان ده و حاولت أفيد
و أشارك معاكم قرار اخدتو
أنا بالنسبالى مقتنع جدا بالمكان ده و ان شاء الله هروح أقدم هناك خلال
الاسبوعين الجايين دول
منقول
http://www.egyguitar.com/vb/showthread.php?p=33#post33 | |
|
