عدد المساهمات : 734 نقاط : 54635 تاريخ التسجيل : 23/08/2009 العمر : 33 الموقع : https://guitarlovers.yoo7.com
موضوع: الكوردات الميجور والمينور+صور +شرح الترقيم او variation ((الحصة السابعة)) 1/9/2009, 3:09 am
تذكير بمساهمة فاتح الموضوع :
السلام عليكم نيجي بقى النهاردة نكمل موضوعنا بس هنفكنا شوية من الارتام او بمعنى اصح المواضيع الخاصة بالايد اليمين بس اتمنى انكم تكونو اتمرنتم عليها كويس وخصوصا الي بيغني ويحاول يغني مع الرتم لان دي فعلا مشكلة ان الواحد في الاول يعرف يظبط نفسه مع الرتم بحيث انه يبقى ماشي صح من غير ما يسبق او يتاخر عن الرتم واحب اقولكم حاجة حلوة انتم من بعد الموضوع ده تعتبرو كده ممكن تعزفو جيتار لاغاني معينة خاصة بالكوردات الي هنقول عليها دلوقت نيجي بقى للكوردات الكوردات دي بمعنى اصح عشان الناس تكون معايا ومتقولش ايه الكلام المعقد الي بيقوله ميرو ده هي مسكة معينة للايد الشمال او اليسار على الفريتات بتعطينا صوت خاص بلحن معين والكوردات الاساسية نوعين ميجوز ومينور قبل ما نتكلم عن الميجور والمينور للكوردات لازم نعرف حاجة خاصة بالكوردات الاول اسمها ال chords variation يعني ايه بقى الكلام ده يا ميرو؟اقولك بس متتخضوش قوي كده لاني شايف حواجب بتترفع!!!! احنا عرفنا ان عدد الاوتار 6 ورقمناهم من فوق لتحت من 1 لحد 6 ونيجي بقى للخانات الي هيا بين الصفوف دول بقى كمان هنرقمهم من 1 لحد 20 بس هنبدا من اول الجيتار من فوق من عند المفاتيح يعني بمعنى اصح الخانة الي صوبعنا هنحطه عليه هنديله رقم وبعد ما نعرف مجموعة صوابع الايد اليسار هتدينا شكل معين هو ده بقى الي هنسميه الكورد واليكم الشرح مثلا في الصورة دي هيبقى الترقيم بتاعها ازاي؟ اول وتر احنا حاطين ايديناعلى الخانة رقم 1 يبقى هياخد رقم 1 وتاني وتر مش ماسكينه يبقى ياخد رقم 0 وتالت وتر بردو مش مسكينه يبقى هياخد رقم 0 وهكذا يبقى الترقيم ايه؟ 100000 ناخد مثال كمان عشان الي مفهمش يفهم ها مين هيعرف الترقيم؟ اول وتر مش ماسكينه يبقى 0 وتاني وتر احنا ماسكين الخانة رقم2 يبقى هنديله رقم 2 وتالت وتر احنا ماسكين الخانة رقم 2 يبقى ياخد رقم 2 والباقي 0 لاننا مش ماسكينهم يبقى الترقيم النهائي 022000 مثال كمان بس صعب شوية يبقى اول وتر مش ماسكينه 0 تاني وتر ماسكين الخانة رقم 3 يبقى ياخد 3 تالت وتر مش ماسكينه يبقى 0 رابع وتر ماسكين الخانة رقم 2 يبقى 2 خامس وتر ماسكين الخانة رقم واحد يبقى 1 والسادس 0 يبقى 030210 مثال كمان لنوع كوردات رخم بقى عشان نبقى اخدنا النوعين اول وتر احنا كده طلاما حاطين صوبعنا عليه ياخد رقم 1 تاني وتر ياخد رقم 3 وتالت وتر ياخد رقم 3 ورابع وتر ياخد رقم 2 والخامس ياخد رقم 1 والسادس رقم 1 يبقى الترقيم النهائي 133211 حاجة كمان على قد ما قسم هيبقى 224442 وده من اصعب الكوردات من نحية المسكة اظن فهمنا حوار الترقيم عشان نعرف نقرا اي كورد نيجي لكوردات الميجور وادي الصور اسمه C ترقيمه 030210 طبعا القراءة من اليسار اسمه A ترقيمه002220 اسمه B ترقيمه 224442 D 000232 E 022100 F 133211 G 320003 نيجي لكوردات المينور Am 002210 Bm 224432 Cm 335543 Dm 000231 Em 022000 Fm 133111 Gm 355333
يا ريت الاقي منكم تدريب كويس وتحاولو تنفذو المسكة الصح للكورد وتتنقلو بينهم كويس من غير ما تقع حاجة منك ومش بس كده يكون التنقل كمان وانتم بتلعبو الكورد والي بيغني منك كمان هتكون عليه 4 حاجات انه يغني ويلعب الرتم ويمشي مع الرتم ويتنقل بين الكوردات ودي كوردات اغاني سهلة هتستخدمو فيها الكوردات الميجور والمينور يا ريت تتدربو عليها وهتلاقو نفسكم يوم من بعد يوم بتبقو احسن من الاول وصدقوني كل حاجة صعبة في الاول بس هتحسو بالفرق والمتعة لما توصلو للي انا فيه وشكرا
عدل سابقا من قبل mero_guitar2008 في 8/11/2009, 8:39 pm عدل 3 مرات
كاتب الموضوع
رسالة
وتر حساس فــنان جــديـد
عدد المساهمات : 7 نقاط : 43897 تاريخ التسجيل : 13/04/2012
موضوع: الكوردات الميجور والمينور+صور +شرح الترقيم او variation ((الحصة السابعة)) 
1/9/2009, 3:09 am
